說到香港姓馬的名人一定要點名馬時亨。

說到香港姓馬的名人一定要點名馬時亨。

《馬時亨名人堂》2.0 說香港情‧說好香港故事

港鐵前主席馬時亨去年喺TVB主持節目《馬時亨名人堂》，大獲好評。今年佢再喺TVB主持新節目《馬時亨·香港情》，每集邀請唔同嘅演藝圈名人上嚟，傾吓香港嘅衣食住行，回顧往昔，展望將來，一齊盡訴香港情。

節目共有8集，打頭陣係「歌神」張學友同「金曲之父」張文新，佢哋會大談香港音樂同情懷。馬時亨話，具體講乜，就先賣個關子，大家密切留意。第2集就請到黎耀祥、薛家燕講香港交通。家燕姐話上世紀60年代，過海要坐「嘩啦嘩啦」水上的士，每程3元，當時嚟講真係好貴，唔講可能好多人唔知。第3集有梁家輝講吓電影。馬時亨話，雖然第一次見面，不過梁家輝好隨和，講咗好多從影經歷。第4集就有張智霖同鍾鎮濤講家庭同事業；第5集陳山聰、鄧達智會講時裝。第6集譚詠麟、區瑞強講音樂；第7集吳錫輝、曾智華講飲茶；第8集曾志偉、陶大宇講火鍋。

馬時亨話，節目而家已經錄完，錄嗰陣政府仲未提出要「說好香港故事」，不過出嚟嘅效果，就係嘉賓講咗好多年輕一輩唔知嘅香港往事，希望呢個節目除咗令人緬懷香港過去嘅好，仲可以令港人、內地甚至全世界都更明白同鍾意香港。