香港開電視加入轉播林鄭月娥選委Show

香港開電視加入轉播林鄭月娥選委Show (20:53)

2021/4/30

特首林鄭月娥日前開始做電視節目「主持」，喺港台電視31開始，連播40集「選委界別分組面面觀」，節目除咗喺港台不停重播loop，林鄭月娥今日（4月30日）出facebook帖文公布，「很高興香港開電視、鳯凰衛視香港台和中央電視台的應用程式都主動提出要轉播，令我們可以不花分文，接觸到更多觀衆。」

林鄭月娥話，「選委界別分組面面觀」已經一連三日播出6集，等大家可以加深了解「中央完善特區選舉制度的目的」。佢又話係新嘗試，並無動用額外製作費，拍攝工作都喺特首辦進行，由政府新聞處和特首辦人員負責，亦無預先準備講稿、無化妝師、無髮型師。佢話除咗已播出嘅6集，已錄製咗另外約20集，話有足夠存貨，「滿足每天兩集的要求」。

佢又上載相片，話噚日藝人汪明荃及全國政協委員、食物及衛生局前局長高永文喺特首辦喜相逢，「大家還約好在六月去欣賞阿姐的演唱會！」