毅力捱5年 終於注資成功

【明報專訊】香港老牌工業股毅力（0332）賣殼後，舊年宣布獲大股東聯榮集團注資燃氣資產，噚日終於完成咗單刁，之後會改名元亨燃氣，轉行做能源生意。毅力由2009年傳「舖王」波叔有興趣接手開始，事隔差不多5年終於成功賣盤俾新主席兼民企老闆王建清，股東要等呢一日認真少啲「毅力」都唔得。


毅力噚日發通告，收購燃氣資產嘅買賣協議條件合部達成，王建清噚日話，今次注資入公司嘅主要係天燃氣批發業務，氣源來自內蒙以及四川，仲話每年度總產能每年高達40萬噸液化天然氣，主要是供貨畀山東嘅天然氣站，佢話行業嘅前景非常樂觀。不過睇返之前嘅文件，公司就取消咗原本聯榮2013年淨盈利不低於1.59億元嘅保證，未知之後公司盈利到底會如何。


[小琴密語]