涂謹申blog被關閉

【明報專訊】參選立法會超級區議會嘅民主黨涂謹申，噚日朝早發現張貼政綱同宣傳刊物嘅Google Blogger競選網誌被關閉。佢哋懷疑係同一時段內有好多人向供應商投訴，搞到供應商系統自行關閉佢嘅網誌，供應商已回覆，話最快要兩日確認若無問題，個網誌先會恢復喎。


估計同時段多人投訴 自行關閉

涂謹申議員辦事處社區主任李偉峰同Emily講，除咗網誌，用同一個帳戶開嘅email就無問題，只係網誌有事，所以認為唔係黑客入侵。李偉峰話，上年區議會選舉都有用Blogger，一直無問題，今次係第一次遇到呢個情况，佢哋家唯有用住facebook個人專頁先。其他參選名單有陳婉嫻、何俊仁、馮檢基、劉江華、李慧琼同白韻琹。