劉江華搵陳江華特訓乒乓波

【明報專訊】今年係奧運年，特首梁振英今年施政報告又提出設立體育專員，相信政府嚟緊都會大力推銷體育。而民政事務局長劉江華噚日就去到體育學院「特訓」，佢嘅政治助理徐英偉噚日喺facebook上載相片，形容劉江華為奧運秘密訓練，但就無講為乜嘢事，只係話想知多啲就留意6月中，會有更多料爆。從相片可見，今次同劉江華特訓嘅，就係曾出戰奧運嘅港隊乒乓球代表高禮澤，以及港隊總教練陳江華。


從徐英偉上載嘅短片可見，劉江華亦搓得兩板，可謂有板有眼。其實劉江華私下都有打吓乒乓波，上年8月全民運動日，劉亦有露兩手，落場打埋一份以示支持。