梁繼昌偕建制派跑「馬拉松」

【明報專訊】體育、演藝、文化及出版界議員馬逢國喺政改表決前最後幾日，仍然密密向泛民拉票，會計界梁繼昌（Kenneth）同Emily講，馬逢國都有搵過佢，不過唔係拉票，而係拉佢去跑「馬拉松」。政改表決告一段落，Emily噚日一早睇facebook就見到梁繼昌同馬逢國、民建聯梁志祥及何俊賢，以及工聯會鄧家彪、郭偉強等搭晒膊頭影相，不禁覺得體育精神原來真係超越政治喎。


鄧家彪跑最快

Kenneth話，其實除咗佢之外，民主黨胡志偉都有參加馬拉松，不過佢哋都跑得唔夠鄧家彪快，胡志偉喺議員中跑第二，Kenneth就跑得三。Kenneth話噚日「馬拉松」全程約5.6公里，所有議員都跑足全程，不過代表體育界、平時都有喺立法會做gym跑步嘅馬逢國就慢咗少少，邊行邊跑。