大輝讚劉華﹕同吳克儉「不遑多讓」

【明報專訊】政制及內地事務局副局長劉江華（劉華）噚日出席立法會政制事務委員會，回應議員對港府提交聯合國人權事務委員會跟進報告嘅問題。劉江華被黃毓民狠批唔識答問題，工業界林大輝幫劉江華出頭，讚佢做議員時嘅水平「唔會低過黃毓民」，又話劉江華嘅表現比其他正局長，包括教育局長吳克儉、環境局長黃錦星、發展局長陳茂波同商務及經濟發展局長蘇錦樑「一點都不遑多讓」，「如果佢（表現）保持落去，相信做局長勝任有餘」。


Emily翻查港大民研最新發放嘅局長民望，以上4個局長都係屬於「表現一般」，蘇錦樑、吳克儉同陳茂波民望更分別只得負10、負27同負29個百分比。大輝將劉江華同4個「表現一般」，甚至喺民望出現負值嘅局長相提並論，真係唔知讚定踩咯！