「狗仔隊」車場捉議員

【明報專訊】立法會噚日繼續審議預算案撥款條例草案，負責「捉」議員嘅「狗仔隊」將拉布戰線愈推愈前，連立法會大樓前都有派人駐守。Emily聽聞，狗仔隊衝出立法會嘅安排係今次拉布首創，當議員揸車出入，狗仔隊會即時通報，據講狗仔隊大軍大致已經掌握各議員嘅車牌號碼！

泛民多謝蔣麗芸曲線拉布

講番噚日會議，建制派開始蠢蠢欲動指拉布議員重複發言，好似要為主席曾鈺成剪布造勢；民建聯蔣麗芸噚日中午食完飯返嚟，短時間內兩度發言，點知離題仲畀主席叫停，有泛民議員就私下話，認真要多謝蔣麗芸曲線助拉布嘞。