衰多口 信證一哥罰百萬

【明報專訊】以前經常有人話，喺中國有權重要過有錢，不過而家睇嚟，做官反而愈來愈唔容易，講錯一句說話就隨時要俾人罰錢，好似中信證券（6030）董事長王東明，佢早排因為講錯一句說話，結果俾集團批評兼罰佢兩個月人工，王董舊年人工接近600萬人民幣，簡單計下，今次講錯嘢令佢唔見咗近100萬人仔。


究竟王東明講左咩咁大件事？原來他早排喺論壇上話，「工行（1398）稅後利潤兩三千億，全國人民都會罵。一個服務性的機構怎麼能掙那麼多的錢？」事後唔少媒體都轉載報道，結果俾中信集團內部通告批評王東明，「使工行的社會形象受到影響，也影響中信與工行長期建立的良好工作關係，因此給予相當於兩個月工資經濟處罰，以示警告」。下次講嘢要小心啲啦王董。


[小琴密語]