有人會在馬蹄糕加桂花，亦有加吉士粉，讓做出來的馬蹄糕更金黃。其實只要馬蹄夠靚，最簡單的加糖和馬蹄粉，已做出清甜的糕點。

材料

去皮馬蹄/糖各 200克、馬蹄粉 100克、粟米油 1湯匙、清水 630毫升

做法

1.馬蹄粉加入半份水，攪拌，浸 10分鐘，隔渣成馬蹄粉漿，備用。

2.馬蹄切半，拍碎備用。

3.煲中加入餘下水、糖，開中火煮溶，加粟米油、馬蹄、馬蹄粉漿，攪拌至粉漿開始變半透明和稠身。

4.將粉漿倒入糕盆，放入鑊中，以大火隔水蒸 40分鐘，即可。

 



貼士

馬蹄粉顆粒較大，用前要先浸水 10分鐘，隔渣後才用，做起糕點會較幼滑。



資料來源︰蘋果日報2012年01月16日